Televisión: o opio do pobo

Criticar á televisión... puxéronnolo fácil, ¿verdade?. Parece incríble o grao de degradación que pode chegar a alcanzar a programación das canles deste país e, aínda así, continúan sorprendéndonos con porcarís cada vez máis infumables, en cantidade e calidade. A solución, a que veño aplicando desde h ai tempo: a abstinencia (televisiva, enténdese). Funciona. É realmente gratificante sentirse fóra dese mundo tan podre, sentirme dono dese anaco da miña vida que antes me era roubado con demasiada, e cada vez maior, frecuencia. Romper có inmovilismo que te suxeita diante do fodido aparato. Sínteste ben, pero... non é dabondo.

E non é dabondo porque, como con tantas outras cousas nesta vida, o pernicioso non é o medio en por si, senón o uso que se fai del. E porque nas nosas máns está cambiar esa situación.

A televisión, por si mesma, é un elemento positivo; máis aínda, apaixoante, por tódalas inmensas posibiliidades que ofrece como medio divulgativo en tódolos sentidos. Precisamente por eso resulta especialmente doroso ver en qué se convirtiu; en qué a convertiron.

A chegada das canles privadas supuxo un hito. Supoño que ninguén minimamente informado esperaría que aportaran calidade; non hai que esquecer que as canles de televisión privadas son empresas e, como tale s, o seu único obxectivo é ganar cartos. O resto dos aspectos son totalmente secundarios. Un plantexamento así pode funcionar en certos campos, pero non noutros, e non na difusión televisiva, como a triste realidade se encarga de demostrarnos cada día. Agora ben, si era de esperar que, ante la presencia de ditas canles privadas, a televisión pública evoluíra cara a unha proposta alternativa a aquelas, cubrindo os ocos que quedan, que son moitos. E aí é onde xorde a miña gran decepción. Lonxe desto, a televisión pública entrou na mesma carreira cas emisoras privadas, ata o punto de que se convertiu practicamente, no que a programación se refire, nunha máis.

O obxectivo das cadeas públicas de TV, ó contrario có das privadas, NON é ganar cartos, senón ofrecer un servizo á sociedade, contribuír á difusión da cultura, información, etc., respondendo á demanda que delas fai a comunidade (ou, polo menos, parte dela). Todo esto, eso si, coidando a xestión para que o custo resulte razoable e asumible para os contribuíntes. Pero sen esquecer que os resultados económicos, por si sós, non xustifican a existencia dunha emisora pública de TV.

Ben, esto é algo que todo o mundo sabe, pero que, a tenor da situación actual das nosas canles públicas, moita xente parece ter pasado por alto. Podo aceptar incluso unha proposta de televisión pública cunha canle xeralista (eufemismo éste que ven significar "programación lixo") que contribúa ó sostemento económico do invento, se eso redunda noutra canle cunha programación realmente alternativa e de calidade... pero nada máis lonxe da realidade. O pouco que de alternativo nos queda pulula por aí a horas imposibles para o seu público potencial, condenado ó ostracismo, mentres a merda cubre de gloria o prime time.

Un dos casos máis sangrantes é a total ausencia, desde hai xa bastante tempo, de programas musicais adicados á música do noso tempo (rock, pop, folk, blues, etc.). Nin de actualidade, nin retrospectivos; nin enfocados para o gran público, nin especializados. Ren. ¿Que xustificación hai para esto?. ¿Falta de público?. En absoluto, a audiencia para este tipo de programas existe. Seguramente, non é tan ampla coma a que conseguiría un reality show, ou un cutre-concurso, ou qué sei eu qué novos tipos de lixo inventados ou por inventar, pero, de novo, se alguén piensa que os índices de audiencia deben se-lo primeiro factor á hora de programar unha canle pública, estamos listos. Mentres, os amantes da música neste país levamos anos afastados da parte visual dese mundo que nos apaixona. E, por tocar argumentos económicos, xa que parece ser que tanto preocupan, lembrar que a industria discográfica en xeral e a do video-clip en particular moven moitísimo diñeiro, e neste país ésta última está practicamente inexplotada.

Dinnos que os contidos da programación reflicten os gustos e as esixencias da maioría. E logo, ¿que pasa coas minorías?; máis aínda, eu non creo realmente que a audiencia sexa tan nefasta. Sinceramente, creo que, por moito lixo que sexa capaz de traga-la xente, non nos merecemos a TV tan horrorosa que temos. Unha proba: neste país, e non hai moito tempo, programas como "El hombre y la tierra" ou "La clave" eran seguidos maioritariamente. Agora non. ¿Cal é a diferencia entre o antes e o agora? ¿É a xente máis superficial, máis parva, agora ca daquela...? Evidentemente, non, a xente é básicamente a mesma. Simplemente, eses programas existían; e a xente os vía. Agora non existen, ou o fan a horas intempestivas.

Conformismo, uniformidade, doctrina, hipocrisía, inorancia, sumisión... este é o voso gueto.

Pensa, vive, crea, fai cousas interesantes, utiliza de forma intelixente a televisión... ooops... perdón, isto último é xa case imposible.

Iñaki Díaz de Etura

---

• A orixe de SuperAnder (GIF, 64'2 Kb)
• Outra de SuperAnder (GIF, 52'8 Kb)
• Otra más (GIF, 47'2 Kb)
• ...E aínda outra (GIF, 53'1 Kb)

¿ ou os homes ?

Dentro da irrupção artística que, entre os días 23 de Setembro e 6 de Outubro, desenrolou o projecto Movemento-Inércia na cidade de Valença (Espanha), sobresaiu a instalação CONTROL do Pistolo Eliza (Barcelona, 1965).

Um autor que começa a sua carreira coa fundação dum espaço excêntrico -O Purtatório- o qual desde hai mais dum quinquénio apresenta artistas novos ao mundo. Desde esse mesmo espaço -ao que agora teriamos de engadir O Purgatório II, integrado na RedeArte de espaçõs nem comerciais nem institucionais-, vem oferecendo as suas distintas facetas plásticas: a fotografia, a escultura, a intervenção, a banda desenhada, a performance (várias realizadas em clubes de dança) e, agora, a curtametragem e a multimédia, na que também participa coa promoção da cultura e música techno desde o coleitivo move. Esse é o Pistolo Eliza.

Que é que é Movemento-Inércia é respostado nos e-endereços http://www.upv.es/inercia, inerweb@pleiade.upv.es o inercia@drac.medusa.es: Mais de 300 artistas, europeus, americanos e japonesses, a realizar quasi 250 projectos diferentes que iam desde a arte digital até o óleo sobre lenço; entre os que temos de salientar a instalação que o valenciano Pistolo Eliza dispôs sobre os cais da estação da RENFE na manhã do 6 de Outubro, como concorrido fechamento do Projecto Movemento-Inércia en Valença. Talvez convenha aclarar que o termo instalação refere às recentes tentativas da escultura para superar a sua tridimensionalidade, desde a introdução do tempo na percepção dum espectador que se aperta a viver o conjunto escultórico conexo por um tempo de leitura cò que autor fia as peças que il expom. Assím, no caso do nosso autor, a sua instalação a formava uma caixa central de vidro na que il mesmo amosávasse nú e encolado a um microfone e vários sensórios que transmitiam a informação da sua angústia e mais o seu polso cardíaco, uma informação cardíaca que se podia ler nos oito ecrans que rodeiam à caixa de vidro tras da introducção de vinte pesos: se não introducirmos a moeda não obter informação, pois a caixa de vidro permanecia às escuras, e as ecrans, e alto-falantes, apagados. Aliás, esta instalação, tinha um compoente engadido de manipulação do espaço público, no outorgar-lhe, à instalação, um carácter de objet trouvé -achado- para o espectador, e não só para o autor como sucedia na vanguarda clássica. Quero destacar esta instalação pública entre todas as peças expostas porque, nela, o autor consegue reunir, sem chios de nenhum tipo, as novas tendências multimédia -da arte digital-, coa performance clássica -a do artista a pêlo còs seus espectadores-. Da predicação multimédia colhe, sobretudo, o iteractivo, ainda que supera essa iteractividade do rato da tua computadora cà, mais velha, sofrida no introduzir a moeda nos videojogos e começar a partida. A sessão começa com um insert coin que inicia o jogo, moeda sem a que não hai relação ou de como todas as relações estão mediadas polo comercial, cò seu correspondente game over que nos indica que o investimento tem-se esgotado e não devemos esperar mais dela; ou a circunstância idêntica que ocorre quando introduzirmos o nosso cartão no caixeiro automâtico. Assím estão as nossas relações sociais, económicamente mediadas. Por isso, no começarmos da iteracção, no introduzirmos nossa moeda, vemos ao Pistolo Eliza nú, em carne viva -como gosta de ver o espírito romântico ao artista-, dentro duma grande urna de vidro custodiada pola informação do seu polso até a morte, até o final da partida. A particularidade desta performance cibermediâtica, que o autor intitula instalaçãoritualiteractivahumanomultimédia -instalCiOnriTualinteRactivahumanOmuLtimedia-, enraiza em não recreiarse na vana espectacularidade dos meios tecnológicos, senão que atrapa porque penetra tanto a realidade das relações humanas como as expectativas que o espectador se tem criado da figura do artista: Um sujeito de sensibilidade en carne viva que tem de se imolar por il mesmo.