BARSOWIA 7

19 autores.

13 galegos, 2 franceses, 1 estadounidense, 2 portugueses, 1 alemá.

todo o contido é orixinal e inédito.

68 páxinas.

17x24 cm

Diego BLANCO
LouisbertrandDEVAUD [.fr]
Manel CRÁNEO
David RUBÍN
Kike BENLLOCH
Javi MONTES
Susa MONTEIRO [.pt]
Jose DOMÍNGUEZ
Brais RODRÍGUEZ
Javi PRIETO
Hugo COVELO
Carlos ARROJO
Raquel MÉNDEZ
Michael BONFIGLIO [.us]
Roque ROMERO
BOUSS [.fr]
Maria KÖRKEL [.de]
Paulo MONTEIRO [.pt]
Sergio COVELO


Cambio climático, violencia desatada, epidemias e o próximo xuño teremos un 6-6-6. 

¿Avecíñase a fin? En Polaqia pensamos se era mellor editar un manual de supervivencia 

para estes tempos revoltos ou publicar o Barsowia nº7 ... e optamos por isto último.

Tras a impactante portada de Diego Blanco, en "End of the world" Louisbertranddevaud 

supón unha hecatombe culinario-sideral. Manel Cráneo enfróntase a un curioso 

predicador en "Exorcismo Apocalíptico".  "Un Muro de Lume" é a cortina de lapas que 

David Rubín ergue entre él e a destrución final. Kike Benlloch e Javi Montes retratan a 

"Murphy" e pregúntanlle pola súa pesimista lei en canto Susa Monteiro voa entre anxos 

caídos en "O Homem Chegou e Disse". Jose Domínguez presenta a súa persoal 

apocalipse televisiva en "Tele-expectoradores". Kike Benlloch cóntanos en "Tirar do 

cordel" como a fin do mundo xa aconteceu en 1953. "O home que vendeu o mundo" de 

Brais Rodríguez demostra que o rencor é o mellor combustible para aplastar 

roboticamente aos nosos molestos conxéneres. En "A cidade sen almas" Javi Prieto 

relata un episodio real da batalla de Stalingrado que para moitos soldados alemáns foi o 

final de todo. "Deus nos bendiga a todos" é un cómic-reportaxe de Humberto Gafapasta 

(alias Hugo Covelo) quen coraxudamente se adentra nos grupos de supervivencia da 

Norteamérica profunda. Por último en "Vida dunha cadea" Raquel Méndez e Carlos 

Arrojo pregúntanse que hai ao final desa cadea que todos arrastramos.

E como non todo ía a ser hecatombe e apocalipse neste séptimo número do Barsowia, 

Diego Blanco prosegue coa súa saga policíaca en "Coffee & Investigation". Michael 

Bonfiglio pilla unha chea en "Borracheira co monstro do Lago Ness". Diego danos 

tamén "Algúns consellos sobre como podar palmeiras" que sen dúbida nos sacarán de 

máis dun apuro nos nosos xardíns. En "Arquitectura ninfular" Roque Romero 

sumérxese nunha exploración onírica e simbólica. "Rêve Rouge numéro 73" de Bouss 

tómalle o relevo en idéntica clave. Maria Körkel procura en "Un baño de ilusións" a liña 

que separa sexo, amor e amizade. Finalmente, a inigualablemente romántica "O amor 

infinito que te tenho..." de Paulo Monteiro e "O fin sería..." de Kike Benlloch e Sergio 

Covelo fechan este número con nosos mellores desexos.

Vostedes o gocen.