David Mack é o criador, escritor e debuxante da aclamada história KABUKI: Círculo de Sangue, que lhe valeu umha das só três nominaçons para o Prémio Kirby ao melhor novo talento em 1994.

David Mack está titulado em desenho gráfico. El começou a sua carreira como desenhador para umha companhia de Hong Kong e ilustrando cobertas de álbumes musicais tanto para firmas japonesas como estadounidenses.

Outras nominaçons que David Mack tem recebido incluem o prémio Harvey na categoria de melhor novo talento e o prémio de Compuserve Don Thompson como melhor número individual do ano.

Kabuki, junto com Sin City e Marvels, tamém foi calificada polo Hero Illustrated Yearbook na categoria de melhor número individual e mini-série.

O Washington Times tem saudado a Kabuki como "A original visom perturbada de David Mack". David tem ganhado a aclamaçom da crítica pola inovativa narraçom gráfica de Kabuki, a sua disposiçom de quadrinhos e desenho global na página e pola profunda caracterizaçom e verdadeiro contido histórico e cultural. Polo seu argumento sólido e analítica apresentaçom do Japom, Kabuki tem ganhado um quantidade de leitores fieis que apreciam umha boa narraçom.

David Mack escreveu e pintou o Especial em cor de KABUKI, KABUKI: Os sonhos dos mortos e KABUKI: A flor de pel . O segundo número desta série apresenta umha coberta na que David colaborou co premiado pintor Alex Ross.

Veja a imagem superior: a metade da esquerda é a portada variante de Alex Ross para o segundo número de A flor de pel, entanto a metade da direita é a portada regular de David para o mesmo livro. Postas juntas como se amostra, formam umha bela composiçom. Pode premer sobre a pequena imagem para carregar a versom mais grande da composiçom, cos logotipos incluidos. David é tamém o criador e escritor de KABUKI: As máscaras do Noh, umha série na que apareceu trabalho de artistas como Terry Moore (Estranhos no Paraíso), Joe Quesada (Ash), Brian Steelfreeze e Rick Mays, entre outros [veja a página da lista].

KABUKI: Círculo de sangue, a primeira série de Kabuki, tem sido recopilada numha novela gráfica de 300 páginas com umha brilhante introducçom do lendário artista Jim Steranko.

Todos os materiais até aqui mencionados forom publicados por essa gram casa, Caliber Comics. Desde outubro de 1997, Kabuki é umha série regular a toda cor publicada por Image Comics e escrita e debuxada por David Mack. Entanto a coberta regular do primeiro número está pintada polo próprio David, existe umha versom alternativa com coberta debuxada por Jim Steranko!

Existe umha escultura de Kabuki feita por Moore Creations. Pode carregar umha fotografia dela premendo aqui.

Futuros projectos de Kabuki incluem um jogo de cartas de Chaos! Cards, e umha linha de figuras de acçom de Kabuki.